قلوب الناس
لو تعرف بقلوب الناس ما كانو هجرو حبابك
وماكان القلب الحساس سابك لو مهما صابك
لا تفكر حالك مظلوم هالدنيي ملياني هموم
ولا ما في شي بيدوم ألا الذكرى بكتابك
هالدنيي كلها أسرار مرة أصحابك شو كتار
ومرة ما بتلاقي جار يحن بدقة عا بوابك
لا تحسب للحب حساب لو حبك عن قلبك غاب
خليها صدفة أحباب روح وعيش بشبابك
لا تصدق كلام الناس هالدنيي ألها أساس
مش كل شي بيلمع ألماس لا زم تحسب بحسابك
لو جار عليك الزمان حلي قلبك بالأيمان
ولا تنسى أنك أنسان بتحيا وترجع ع ترابك
كلمات : ظافر ابراهيم
Subscribe to:
Post Comments (Atom)
No comments:
Post a Comment